Сайттың бүгінгі парағына есімі енгізіліп отырған жерлесіміз Жайлаубай Тұрсынұлын  өзім бұрындар  танып-біліп, көрмеген едім. Осы сайтты ашып, интернеттің, оның  әлеуметтік жүйелері кеңістігіне еніп, оң-солымды байқап жатқанда, Жайлаубай бауырымыз алғашқылардың бірі болып, іс-қимылыма «сәт сапар» тілеген, ниеттес азамат болды.  Сырт  жақта жүрген оның, туған жеріне, еліне деген ыстық ықыласы, сағыныш сезімдері байқалды. Оның өзінің де ФБ  желісі мен біздің тобымыз беттерінде  жүйелі түрде шығарылып жатқан  өлеңдік шумақтары, нақылдық сөздері, аудармалық тақпақтары арқылы жақындасып, өзара байланыста бола бастадық.  Таяуда, оның бір «қойын дәптер» жазбаларын  сұратып алып, танысып жатқан жайым бар.  Сондықтан да, сайтымның бағыт-бағдарына сай, Жайлаубайды, көпшілігімізге, аудан жұртына жақын таныстыру  мақсатында, сол жазбалар ішінен алғашқылары ретінде,  шағын шумақтары топтамасы мен қысқаша өмірдерегін Сіздерге ұсынып отырмын!  Бағалаңыздар, қабыл алыңыздар!    

                           

                                                                       Жайлаубай Тұрсынұлы    

 

   Ð¤Ð¾Ñ‚о Жайлаубая Тұрсынұлы.Жайлаубай Тұрсынұлы Нұрмұхамедов 1963 жылы наурыз айында Ақсу ауданы Қызылағаш ауылында дүниеген келген. Білімі жоғары. Орта мектепті  бітірген соң  Көксу ауылшаруашылық техникумында оқиды. 2005 жылы Алматы қаласындағы «Қазақ қатынас жолдары» Университетін «Басқару  және тасымалдауды ұйымдастыру инженері» мамандығы бойынша бітірген.

   Еңбек жолын 1982 жылы  шаруашылықта жұмысшы болудан бастайды, армия қатарында болады. Өнер саласына бейімдеу болған ол,  клуб меңгерушілігі жұмысына орналасып, 1985 жылдан Қызылағаш ауылы мәдениет үйінің директоры, одан кейін Қапал аудандық мәдениет үйінде жетекшілік қызметтер атқарады. "Қазақ тілі" Қоғамының аудандық бөлімінің төрағасының орынбасары,  Қапал аудандық мәдениет бөлімінде жауапты қызмет атқарады.

  1997 жылдан жаңа мамандығы бойынша теміржол саласына ауысады, Содан бері «Қазақстан темір жолы» Ұлттық компаниясы АҚ қарасты «Достық» стансасында жұмыстар атқарып келеді. Өз қызметтік міндеттерін  жауапкершілікпен  және  тыңғылықтыі атқаратын оның  еңбегі,  әрдайым, әр деңгейдегі марапаттармен аталып келеді.  

Жұбайы Адамбекова Замзагүл. Екі қыздары бар.

 

                                                                                                           

Нақылдық шумақтар

Жайлаубай Тұрсынұлы

 

              Мақал жаздым мəтелмен,

                                                                                                               Қалған жоқ ол əкемнен.                                                                                                                                                                                                                                                                                                                                   Халықтыкі болған соң, 

                                                                  Қайта өңдеп əкелгем.

 

 

АЙНАЛАЙЫН  АНАМНАН

 

Аналардың мұң түспесін көзіне,
Ей, баласы қадірлей біл сезіне.
Ана деген шуағың ғой шашылған,
Анаң сенің күн көзің ғой ашылған.
Өміріңнің мағынасы осында,
Тек анаңмен мауқың сенің басылған.
Қайда жүрсең аман бол деп құлыным,
Тілеуіңді тілеп жүрген артыңнан.
Анаң сенің сағынышпен ойлайтын,
Ең ардақты сүйкімді де асыл жан.
Ақ сүт беріп аялады жеткізді,
Алтыным деп құс ұшырмай басыңнан.
Ұрпағыңның қамын жедің аянбай,
Айналайын анатайым атыңнан !!!

 

 

 

 

АНАЛАРЫМЫЗ АМАН БОЛСЫН АҒАЙЫН !!!

Рахмет саған ана — бұл өмірге əкелгенің үшін !
Рахмет саған ана — түн ұйқыңды төрт бөлгенің үшін !
Рахмет саған ана — мейірілімдікке тəрбиелегенің үшін !
Рахмет саған ана — маңдайымнан искегенің үшін !
Рахмет саған ана — тəртіп бұзсамда тиспегенің үшін !
Рахмет саған ана — Отаныңды сүй дегенің үшін !
Рахмет саған ана — халқыңның қамы үшін, суға да түсіп, отқа күй дегенің үшін !
Рахмет саған ана — ана тіліңді біл дегенің үшін !
Рахмет саған ана — аман — сау болып жүр дегенің үшін !

 

*      *      *      *      *

 

ҚАДІРЛЕЙ БІЛ АНАҢДЫ,
ОЯТА БІЛ САНАҢДЫ.
АНА ЕКЕНІН ҰМЫТПА,
АДАМ ЕТКЕН АДАМДЫ.
АЙНАЛАЙЫН АНАШЫМ,
ƏЛПЕШТЕГЕН БАЛАСЫН.
БАР ҒҰМЫРЫН АРНАҒАН,
АДАМЗАТҚА ДАНАСЫҢ !

       *      *      *

АТА — АНАҢА НЕ ІСТЕСЕҢ,
АЛДЫҢА СОЛ КЕЛЕДІ.
ЖАМАНДЫҚТЫ ІСТЕП ТЕК,
ЖОҚ ҚОЙ ҚАЛҚАМ КЕРЕГІ.
ҚҰРМЕТ ТҰТСАҢ ҮЛКЕНДІ,
АЛЛА ЖАҚСЫЛЫҚ БЕРЕДІ.

         *      *      *

ЖҰМАҚ АНАНЫҢ ТАБАНЫНЫҢ АСТЫНДА,
АҚЫЛЫҢ БОЛСА БАҚЫТЫҢДЫ БАСҚА ҰРМА.
АНАСЫНА ҚАМҚОР БОЛМАЙ ТАЛАЙЛАР,
АЙНАЛАДЫ АРДАН БЕЗІП ҚАСҚЫРҒА.

       

*      *      *

  Жақсылық жаса атаңменен анаңа,
            Сауабы мол өзіңе де, ұрпағыңа, балаңа.
   Адамдықтың ең үлкені сыйластық,
 Пайғамбардың сөзін ұқта бағала.

          *      *      *

Ата — ананы ұмытпаңыз ағайын !
Сыйла оның ақ қыраулы самайын.
Ертең сенде дəл солардай боласың,
Кеш болмасын емдеуге жүрек жарасын.

          *      *      *

ҚАДІРЛЕЙ БІЛ ЖАРЫҢДЫ,
КЕТІРЕ КӨРМЕ АРЫҢДЫ.
СЫЙ — ҚҰРМЕТ ЖАСАЙ БІЛ,
САҚТАУ ҮШІН БАРЫҢДЫ.

          *      *      *

ҚАДІРЛЕЙ БІЛ АЛТЫНЫҢДЫ,
БАҒАЛАЙ БЕР ƏР КҮНІҢДІ.
ТУЫСҚАННАН АРТЫҚ БОЛМАС,
ҚҰРМЕТ ТҰТ ЖАҚЫНЫҢДЫ.

             *      *      *

БАЛАҢЫЗҒА ТƏРБИЕ БЕР ЖАСЫНДА,
ҚАРТАЙҒАНДА ШЫҚПАУ ҮШІН БАСЫҢА.
ДЕР КЕЗІНДЕ, ЖӨРГЕГІНДЕ ЖӨНДЕСЕҢ,
ЖАМАН АТАҚ КЕЛМЕС БОЛАР БАСЫҢА.

 

БАҚЫТ ДЕГЕН НЕ ?

 

       Бақыт деген төрт құбыла теңдігі,
       Бақыт деген еркіндігі елдігі.
       Бақыт деген қазағымның ерлігі,
       Бақыт деген ұлдарымның өрлігі,
          Бақыт деген қыздарымның теңдігі,
          Бақыт деген босаңсымау белдігі.
          Бақыт деген айың туып оңынан,
          Таң нұрының шапағатын шашқаны.
       Бақыт деген ата — ананың ақ таңы,
       Бақыт деген алаңдамай адамдар,
       Сəбилердің тыныш ұйқыда жатқаны.
       Бақыт деген күннің күліп батқаны.
       Бақыт деген татулығы елімнің,
       Бақыт деген бүтіндігі жерімнің.
       Бақыт деген ынтымағы қазақтың,
       Бақыт деген мəңгі бақи азат күн.

 

 *      *      *

                ЕҢ БАҚЫТТЫ АДАМ ӨТКЕНІНЕ ӨКІНБЕЙТІН,
БОЛАШАҒЫНАН ҚОРЫҚПАЙТЫН,
              ӨЗГЕНІҢ ӨМІРІНЕ АРАЛАСПАЙТЫН АДАМ.

     

        СЫЙЛАСТЫҚ 

СЫЙЛАМАСАҢ ҮЛКЕНДІ,
К
ІШІ ҚАЙТЫП СЫЙЛАЙДЫ ?

СЫЙЛАМАСАҢ КІШІНІ,
КІСІ ҚАЙТЫП СЫЙЛАЙДЫ ?
ҚҰРМЕТТЕ СЕН ДЕ ОНЫ,
ҮЛКЕНДЕР ҚАЙТЫП ТУМАЙДЫ.
ӨМІР ӨЗЕН СЕКІЛДІ,
БІР ОРНЫНДА ТҰРМАЙДЫ.

         *      *      *

КӨПТІҢ КӨҢІЛІН ТАБАМ ДЕМЕҢІЗ,
ЖҰРТТЫҢ БƏРІНЕ ЖАҒАМ ДЕМЕҢІЗ.
ƏР ТҮРЛІ БОЛАДЫ ЕКЕН,
СІЗДІҢ СЕНІП АДАМ ДЕГЕНІҢІЗ.
СОНДА ДА БОЛСА ЖАҚСЫ ІС ІСТЕП,
ЕШКІМДІ ДЕ ЖАМАН ДЕМЕҢІЗ.

 

        *      *      *

СЫЙЛАСТЫҚҚА НЕ ЖЕТСІН,
БИІГІНЕ ШЫҚСАҢ ДА.
ҚАНДАЙ ҮЛКЕН БЕЛЕСТІҢ,
ТУЫСҚАНҒА НЕ ЖЕТСІН.
ҰМЫТПАҒЫН ЕШҚАШАН,
БІРІҢЕ — БІРІҢ КЕРЕКСІҢ.

 

     *      *      *

СӨЗ АТАСЫ СƏЛЕМДЕ,
МАҒЫНАСЫ ТЕРЕҢДЕ.
СƏЛЕМ САЛСАҢ ҰМЫТПАЙ,
АЛЛАДАН ЖАҚСЫЛЫҚ КЕЛЕР ДЕ.

 

     *      *      *

ҚАДІРІН БІЛ ЖАҚЫННЫҢ,
БОЛСА ЕГЕР АҚЫЛЫҢ.
СҮРІНІП ЖҮРМЕ, АҢДЫП БАС,

АЯҒЫҢДЫ АҚЫРЫН...

     *      *      *

Кісіні қызметіне қарап емес,
Адамдығына қарап сыйла.
Ақшасына қарап емес,
Адалдығына қарап сыйла!

       *      *      *

БІРЕУДІҢ ТЕРМЕЙ КЕМІСІН,
ӨЗІҢНІҢ ТҮЗЕ ТЕРІСІН.
ЖӨНІҢМЕН ЖҮРСЕҢ БАҒДАРЛАП,
ЖЕЙСІҢ ҒОЙ ОНЫҢ ЖЕМІСІН.
БАҒАЛЫ БОЛАР ƏР ІСІҢ,
АЛҒЫС БОЛАР АЛҒАНЫҢ.
ДҰРЫСЫН БІЛСЕҢ ШАРУАНЫҢ,
ОРЫНДАЛАР АРМАНЫҢ.

        *      *      *

КЕШІРІМДІЛІК ЖАҚСЫ ҚАСИЕТ,
ҮЛКЕННЕН ҚАЛҒАН ӨСИЕТ.
ЕСІРІП ЖҮРМЕЙ ЕШҚАШАН,
КЕШІРІП ЖҮРСЕҢ ҒАНИБЕТ.

       *      *      *

ҚАЙДА ЖҮРСЕҢ, ҚАЙ ЕЛДЕ,
СЫЙЛА ТІЛІН, ДƏСТҮРІН.
СУЫН ІШІП — НАНЫН ЖЕП,
БОЛА КӨРМЕ ЖЕКСҰРЫН.

 

       *      *      *

БОЛСА ОЙДА АДАЛДЫҚ,
ЖҮРСЕ БОЙДА АДАМДЫҚ,
БОЛМАЙДЫ ҒОЙ НАДАНДЫҚ.

       *      *      *

ЖАН БОЛСА ЕГЕР БИЯЗЫ,
ЖҮРЕККЕ ЖЫЛУ ҚҰЯДЫ.

       *      *      *

ӨМІРДЕ БІРГЕ ДƏМ ТАТҚАНДАР ЕМЕС,
ӨЗІҢДІ ҚАДІРЛЕП ЕШҚАШАН САТПАҒАНДАР ҚЫМБАТ.

       *      *      *

КІСІГЕ ҚИЯНАТ ЖАСАУҒА БОЛМАЙДЫ,
ҚИЯНАТ ЖАСАҒАН ЕКІ ДҮНИЕДЕ ОҢБАЙДЫ.

      *      *      *

Арыңды жоғалтсаң,

Барыңды жоғалтқаның.
Əріңді жоғалтсаң,
Сəніңді жоғалтқаның.

 

        ДОСТАРЫМ

 

                                АМАН БОЛСЫН АДАЛ МЕНІҢ ДОСТАРЫМ !
                             АҚ ПЕЙІЛДІ ДОСТАРЫМДЫ ҚОШТАДЫМ.
                АРАМ НИЕТ БОЛСА ЕГЕР АЛАЯҚ,
                            ОНДАЙЛАРДЫ АДАМДЫҚҚА ҚОСПАДЫМ

      *      *      *

            ШЫН ДОСЫҢА НЕ ЖЕТСІН,
     АДАЛ ПЕЙІЛ АҚ НИЕТ.
      ƏР ІСІҢДІ ҚОЛДАУМЕН,
              КӨРСЕТКЕН ЖАҚСЫ ҚАСИЕТ.

    *      *      *
                ЖАҚСЫ КӨРГЕН АЙНАЛАЙЫН ДОСЫМ ДЕП,
БҰЛ ДҮНИЕДЕ БОЛҒАНЫҢА РАХМЕТ.
АМАН БОЛСЫН ДЕП ТІЛЕЙМІН АЛЛАДАН,
БІР ӨЗІҢДЕЙ ДОСТАРЫМДЫ АҚ НИЕТ.

      *      *      *

                     КҮНІ ҮШІН ЖҮРГЕН ДОСТАРЫҢ,
            БАСЫҢА ТҮСКЕН ҚАСІРЕТ

          ЖАҚЫНДАТПА ҚАСЫҢА,
           ОДАН АЛЫС АУЛАҚ КЕТ.

                                                                                *      *      *

 

                    ДОСЫҢ БОЛМАСА ҚИЫН ЕМЕС,
                        ЕҢ ҚИЫНЫ БАР ДОСЫҢНЫҢ САТҚЫН ЕКІ ЖҮЗДІ БОЛҒАНЫ.

 

          *      *      *
                    ӨТІРІК ДОС БОЛЫП, КҮНІ ҮШІН КӨЛЕҢКЕҢІЗДЕ ЖҮРЕТІН,

                         ЕКІ ЖҮЗДІЛЕРДЕН САҚТАНЫҢЫЗ !

       *      *      *

БІР ҒҰЛАМАДАН СҰРАПТЫ:
        — ДОСТЫҢ ҚАНША ТҮРІ БАР ? — ДЕП.
  — ОЛ, ТӨРТ ДЕП ЖАУАП БЕРІПТІ:
                 БІР ДОС БАР — ІШЕТІН ТАМАҚ СИЯҚТЫ КҮНДЕЛІКТІ ҚАЖЕТСІНЕСІҢ.
                    БІР ДОС БАР — АУЫРСАҢ ПАЙДАЛАНАТЫН ДƏРІҢ СИЯҚТЫ ІЗДЕЙСІҢ.
БІР ДОС БАР — АУРУША ЖАБЫСЫП МАЗАҢДЫ КЕТІРЕТІН.
             БІР ДОС БАР — АУАДАЙ ҚАЖЕТ БОЛЫП ҚАСЫҢНАН ТАБЫЛАТЫН.

 

 

 

 

Өмірден күдеріңді үзе көрме,
Бəріде жақсы болып түзелер де.
Қиындық басыңдағы уақытша ғой,
Өтеді де кетеді ол да лезде.

             *      *      *

Өмір өзі асау өзен толқынды,
Қондырмас — ау қолыңа əкеп еркіңді.
Бірде ойға, бірде қырға соғады,
Оныңда бір қасиеттері болады.
 

             *      *      *

БАСЫҢЫЗДА БАҚЫТ ТҰРСЫН МƏҢГІЛІК,
ƏРБІР ЖАННЫҢ БАҚЫТТЫ БОЛУЫ ЗАҢДЫЛЫҚ!

 

 

ТІЛІ БАРДЫҢ — КҮНІ БАР,
    КҮНІ БАРДЫҢ — ЖЫРЫ БАР.
 ТІЛІ ЖОҚТЫҢ — ТҮГІ ЖОҚ,
  ОНЫ АҒАЙЫН ҰҒЫП — АЛ !

 *      *      *

    ҚАЗАҚША ТІЛ БІЛМЕГЕНІҢ,
      АДАМША ДЫМ БІЛМЕГЕНІҢ.
          ДƏСТҮРМЕН ТАНЫСПАҒАНЫҢ,
        ҚАЗАҚ БОП ЖАРЫТПАҒАНЫҢ.

 

     Қазы жесең қартамен,
                Қалмайсың — ау шаршап сен.
  Кемімейді күшің де,
      Мықты болып жүресің,
Өңің түгіл түсің де.
              Жұқармайсың — солмайсың,
   Аязда да тоңбайсың.
   Үзбей ет же қазағым,
         Əмсе мықты болғайсың !

 

Бірлігі бар ел азбайды,
Күтімі бар жер тозбайды.
         

          *      *      *
Ел қадірін білген ер жақсы,
Жер қадірін білген ел жақсы.
         

          *      *      *
Ер атын қадірлейді,
Ерді халқы қадірлейді.

           *      *      *
Есі кеткен елден безеді,
Олақтығын жерден көреді.

           *      *      *

Ақыл тыңдаған азбайды,
Күтімі жақсы тозбайды.

           *      *      *

Білімдінің жауабы,
Жүрекке жол табады.
Білімсіздің жауабы,
Улайды əркез сананы

          *      *      *

Сынды дұрыс қабылда,
Сынады деп шағылма

          *      *      *

КӨП СӨЙЛЕП БАСТЫ ҚАТЫРҒАНША,
КӨП ТЫҢДАП АҚЫЛДЫ АРТТЫРҒАН ЖАҚСЫ.

          *      *      *

НАШАР ЖАННЫҢ ОЙ — ПІКІРІНЕН САҚ БОЛЫҢЫЗ,
БӨТЕН ЖЕРДІҢ ОЙ — ШҰҢҚЫРЫНАН САҚ БОЛЫҢЫЗ !

           *      *      *

УƏДЕ ДЕ ТҰРЫП ОРЫНДАП ЖАТСАҢ АДАМДЫҚ,
УƏДЕ ДЕ ТҰРМАУ НАДАНДЫҚ.
АЛЛА СЕНІ ЖАРАТТЫ, ДҰРЫС ЖҮР ДЕП АДАМ ҒЫП.

 

           Жақсымын деп ойлама,
           Халық берсін бағаңды.
           Жақсы болғың келсе егер,
           Еңбек ет адал табанды.
           Сыйла əпке — ағаңды.
           Кетірмей төмен бағаңды,
           Құрметте дархан далаңды.
          Біліп жүр əркез шамаңды,
          Біреуге жаппа жалаңды.
          Арамдықпен пайда іздеп,
         

           Ренжітпе жақсы адамды.
          Үлгіге үйрет балаңды,
          Осының бəрі сай болса,
          Көтерер халық бағаңды.
       

             Салмағын біл парқыңның,
         Батасын ал халқыңның.
      Сонда өседі мерейің,
             Тамаша болып жарқыным.
          Жөнінде біл салтыңның,
       Сонда ғана жақсысың,
      Бақыттысың алтыным.

 *      *      *

ТАЗА БОЛСАҢ ҰЙҚЫҢ ТЫНЫШ,
АДАЛ БОЛСАҢ КҮЛКІҢ ДҰРЫС.

 

ЖАҚСЫЛЫҚ ДЕГЕН ЖАҚСЫ СӨЗ,
ЖАҚСЫЛЫҚ ЖАСАП ЖҮРГЕНДЕР,
ЖАҚСЫЛЫҚҚА БОЛАР КЕЗ.

БАЙЛЫҒЫҢ МЕН БАҚЫТЫҢ, ЖЕРІҢ МЕНЕН ЕЛІҢДЕ.
ҚЫЗМЕТ ЕТ АЯНБА, СОЛ ЖЕРІҢ МЕН ЕЛІҢЕ !