Сайт туралы

Құрметті оқырман!

Осы  аталмыш сайт  қазақ жерінің мызғымас бір «пұшпағы», «Жер жаннаты — Жетісудың» құрамдас бөлігі,  өткені өнегелі, бүгіні берекелі АҚСУ ЖЕРІНІҢ  ХАЛҚЫНА арналады және онда Алматы облысының құрамындағы АҚСУ АУДАНЫНЫҢ өткен тарихын,  өсіп-даму жылдарындағы  елдің жанкешті еңбегі мен ерлігін қайта жаңғырту, егеменді еліміздің жарқын болашағына бағытталған бүгінгі таңдағы аудан жұртшылығының берекелі де бедерлі істерін, өмірдегі белсенді тіршілігін баяндау мақсат етіліп отыр.

Сайттың  мазмұны екі үлкен тарау ретінде  құрылды.   Біріншісі, "Аңыз, Абыз, Нағыз  Ақсу» атауымен «интернет-кітап» ретінде белгіленді. Екінші бөлімі  «Ақсу ажары» деген  атаумен газеттік форматта жүргізіледі. Ол аудан халқының бүгінгі өмірін,  тіршілігін   баяндауға  арналады.

Сонымен бірге, сайтта қазақ халқының тарихына, тұрмысына, салт-дәстүрлеріне арналған танымдық және шежірелік жазбалар, осы тақырыптағы әдеби шығармашылық пен өнер саласындағы азаматтардың туындылары; ғылыми еңбектер; саяси-қоғамдық мазмұнындағы мақалалар мен ел өміріндегі аса маңызды жаңалықтар; т.б.  жазбалар жарияланып отырады.

Сол сияқты өлеңдер-әндердің аудио-бейнелік жазбалары, «Демалыс беттері» т.б. мазмүндағы рубрикалар, парақтар ашылып жүргізіледі.  

Сайтта интернеттегі бизнес тақырыбына арналған жеке тарау болады. 

Вверх